BR LA UNION – Kinumpirma ti Phivolcs nga adda napasamak nga explosive eruption iti Mt. Kanlaon ita nga agsapa ti Martes.
Maibasar iti inisyal nga impormasyon, alas-5:52 itay agsapa a nasaripatpatan iti napuskol nga asok manipud iti crater ti aktibo a bulkan.
Gaputi dayta, namnamaen iti napuskol nga ashfall idiay probinsiya ti Negros Occidental ken Negros Oriental.
Partikular a maapektaran idiay La Carlota City, La Castellana ken kabangibang pay nga ili.
Sakbay daytoy, naaddaan ti 14 volcanic earthquakes iti napalabas nga oras.
Iti Sulfur Dioxide Flux ket dumanon met iti 1,655 tonelada.
Agtultuloy a pagan-annaden dagit residente gaputa delikado iti kudil ti napudot a dapo ken mangigubway ti respiratory problems nangruna nu makalang-ab iti kontaminado nga angin.
