Ad-adalen ti Committee for the Special Protection of Children dagiti sumagmano a sistema tapno makaipaay ti maiyannatup a tulong para kadagiti biktima ti panagabuso.
Iti nasao a komite ket buklen ti Bureau of Immigration, Department of Justice, ken Department of Social Welfare and Development.
Segun kenni BI spokesperson Dana Sandoval, ikonkonsiderar ti inter-agency team dagiti sumagmamano a panagbalbaliw ti agdama a sistema tapno maurnos iti sitwasyon dagiti naabuso nga ubbing.
Nangisayangkat ti komite dagiti serye ti meetings karaman dagiti liderato ti nadumaduma nga ahensiya, ken maysa kadagiti plano ket iti adjustment para iti nalaglag-an ken efficient case management kas iti panangipila ti kaso kontra kadagiti abusers.
Makikoordinar metten iti BI kadagiti airline companies tapno mapawilan dagiti panakaiyakar ti sabali a pagilian dagiti biktima ti child trafficking, ken tapno mabantayan dagiti inibidwal nga addaan ti rekord ti human trafficking nga umununeg ditoy pagilian babaen ti advance passenger information system.
Kabayatanna, iti panangprotektar kadagiti ubbing ken panagusing kadagiti child abuser ken human traffickers ket akem ti DOJ ken DSWD.
