Nakaawat ti baro a balay dagiti agarop 100 a miembro ti Moro National Liberation Front manipud iti Office of the Presidential Adviser on Peace, Reconciliation, and Unity (OPAPRU) kas paset ti agtultuloy a peace and reintegration efforts ti gobyerno idiay Mindanao babaen ti MNLF Transformation Program.
Naipaay dagiti pagtaengan iti naangay a seremonya idiay Mabuhay, Zamboanga Sibugay idi Agosto 17, babaen ti PAMANA Program ti OPAPRU ken Modified Shelter Assistance Program nga agbalor ti nasurok P40 million
Segun kenni OPAPRU Executive Director Cesar De Mesa, dagiti balay ket simbolo ti panagkaykaysa ken tarigagay nga ipaayan ti naurnos ken natalged a pagtaengan dagiti sigud a rebelde kas paset ti panagsublida iti nakappia a panagbiag.
Nagyaman met ni Mabuhay Mayor Edreluisa Caloñge iti proyekto ken inallukoy dagiti benepisyaryo a salimetmetan iti naawatda manipud iti gobierno.
