BR LA UNION – Immapela ti Philippine Movement for Climate Justice (PMCJ) iti gobyerno a mangideklara ti national climate emergency kagiddan ti kumarkaru nga epekto ti tikag.
Segun kenni PMCJ senior campaign officer Laica Rayel, nakarun ti perdisyon iti sektor ti agrikultura gaputi kinakurang ti danum ken nangato a gastos iti produksyon gapwanan ti oil crisis.
Impaganetget na, saanen nga umanay ti ayuda laeng a solusyon ket kasapolan ti mas nalawa ken napapaut a solusyon kontra iti climate crisis.
Kabilang ditoy iti panangipatungpal ti science-based climate action plans ken panangtallikod iti panagusar ti fossil fuel.
Maibasar iti report ti state weather bureau, umabot ti 15 probinsya iti Luzon ti makapad-padas ti nakaru a tikag.
Immunan a naipasidong iti state of calamity dagiti probinsiya idiay Isabela ken Cagayan.
Ti panawagan ket tarigagay nga ipaganetget a ti pudno a ballaygi kontra iti climate crisis ket nakasadag iti nasapa ken kolektibo a panagtignay ti gobyerno ken umili.
