BR LA UNION – Nanayunan manen dagiti munisipalidad ken siyudad a naipasidong iti state of calamity, segun iti National Disaster Risk Reduction Management Council (NDRRMC).
Maibasar iti kauddian a datos ti NDRRMC, umaboten ti 84 a lugar iti nagdeklara ti state of calamity.
Manipud iti nasao a bilang, 42 manipud Central Luzon, 27 idiay CALABARZON, innem ti nagdeklara iti Ilocos Region, lima ti nailista idiay National Capital Region (NCR), tallo idiay Western Visayas ken maysa idiay MIMAROPA.
Kabayatanna, babaen iti nasao a deklarasyon, maaddaan ti access dagiti lokal a gobyerno iti calamity funds tapno maikkan ti tulong dagiti apektado a residente iti bayo ken habagat.
Kabayatanna, naipasidong metten iti State of Calamity iti probinsiya ti La Union kalpasan ti nakaru nga epekto ti bagyo Emong.
Iti deklarasyon ket maiyannurot iti Sangguniang Panlalawigan Resolution No. 1410-2025.
