Naipasidongen iti inquest proceedings dagiti tallo a suspek iti insidente ti kidnapping iti Filipino-Chinese business man idiay Valenzuela City a ni Anson Que ken panangpapatay iti driver na a ni Armanie Padillo.
Segun iti Philippine National Police (PNP), sangsanguen dagiti suspek iti dua a kaso ti kidnapping for ransom with homicide nga isu iti nagbalin a desision iti proceedings a naangay iti opisina ti Department of Justice (DOJ) Office itay nabiit.
Napag-amwan ken rumrumwar iti imbestigasion nga naplano iti insidente sipud pay laeng idi Enero, agdama a tawen.
Segun iti PNP, dagiti surveillance footages kadagiti lugar tapno mailasin dagiti suspek ket adda itan iti kustodia ti polisia.
Kabayatanna, dua a ‘principal’ suspects iti agtultuloy a sapsapulen ti PNP nga pinatalgedan ti opisina nga agtultuloy iti imbestigasion tapno makemmeg ken masapulan dagiti nabatbati a suspek iti kaso.#
