Adda iti pakabuklan nga 1,156 registered stall owners iti apektado ti napasamak nga uram iti uneg ti auxillary wet Market ditoy siyudad ti San Fernando, La Union.
Mapatta-patta nga umabot iti dua gasut a million a pesos ( Ph P200,000,000.00 ti perdisyon agraman dagiti tagilako dagiti vendors, ngem saan pay a karaman dagiti alikamen ti Public Market ti nadakamat a perdisyon.
Daytoy ti naiwaragawag iti naangay a Pres Conference nga indaulwan ni San Fernando City Mayor Hermenegildo A. Gualberto idi malem kalman.
Manamnama nga mangipaay met ti financial assistance Iti DSWD ken ti City Government Iti San Fernando
Impanamnama met ni Governor Rafy Ortega-David a tumulong ti Provincial Government tapno napartak a makabangon dagiti vendors nangipaay met ti food packs Iti provincial government kadagiti apektado a vendors.
Gapo Iti daytoy a pasamak , Naiyalis pay laeng ti paglakwan idiay covered court iti Barangay Ilocanos Sur para sa karne at isda;Ken Ilocanos Norte para ti vegetables . Maiyalis met idiay Barangay Hall Iti Ilocanos Sur Iti Market Operations Office
Tapnu maadaan dagitoy ti nasaysayaat ken temporary ken maiparikep Iti Amin a parking spaces ti San Fernando Shopping Mall (Round Market) manipud intono bigat ita nga aldaw.
Maipasidong iti nainget a panangadal iti pannakaipasdek ti baro a public market ditoy siyudad ti San Fernando City, La Union.
Daytoy iti imbaga ni San Fernando City Mayor Hermenigildo Dong Gualberto iti naisayang a press conferense idi kalman.
Segun iti Mayor, adalen da a naimbag iti baro a public market, a maipasdek iti sumaruno nga innem a bulan.
Kabayatanna, siniguro ti lokal a gobiyerno, babaen iti Department of Social Welfare & Development Region 1 a maipaayan ti financial assistance dagiti 1,156 a registered stall vendors a biktima ti pannaka-uram.
Imbaga pay ni Mayor Dong, a nakasarita na dagiti konsehal ti barangay, partikular dagiti asideg iti nauram a merkado, nga ipa-usar pay laeng kadagiti vendors iti kalsada a masakopan dagitoy, tapno makailako iti produkto iti uneg ti dua a bulan.
Kabayatanna, umabot iti P200 milyon pesos iti nagbalin a danyos kadagiti dimmapo a tagilako dagiti vendors ditoy siyudad iti napasamak nga uram idi parbangon kalman, Enero 11.
Kabayatanna, nadakamat iti nasao a presscon a nakasangpet man ti Bureau Fire Protection-San Fernando iti nasao a palengke iti uneg ti lima a minuto, ngem dackelen iti apoy agsipudta naaramid iti light materials iti dandani sibubukel a palengke malaksid laeng dagiti combustible materials partikular dagiti plastik, mantika, ken dadduma pay.
