BR LA UNION – Indeklara ni Presidente Ferdinand Marcos ti sumagmamano nga aldaw a panagladingit gaputi ipupusay ni Pope Francis.
Segun iti Presidential Communications Office (PCO) a mangrugi ti days of mourning manipud Abril 23 agingga 26 wenno aldaw ti pannakaitabon ti Santo Papa.
Iti nasao nga aldaw, maikabil iti half-mast iti bandera ti pagilian iti amin a pasdek ti gobyerno ken government installation ditoy pagilian ken iti ballasiw taaw.
Immunan a kinumpirma ni Palace Press Officer Undersecretary Atty. Claire Castro a dumar-ay ti presidente kadwa na ni First Lady Liza Marcos iti tabon ti Santo Papa.
