Mamati ni sigud a Senador Leila De Lima a saan nga Korte Suprema nu di ket Konstitusyon ti rumbeng a mangiduron iti Kongreso a mangipasa iti paglintegan kontra political dynasties.
Segun kenni De Lima, iti Konstitusyon ti “supreme law of Congress” a mangibilbilin kadakuaa nga ipasa ti maysa a paglintegan a mangiparit iti nasao a dinastiya.
Daitoy ket kasaruno met ti waragawag ni Senate President Francis Escudero a saan a kabaelan a piliten ti Korte Suprema iti Kongreso a mangipasa ti linteg kotra kadagiti political dynasties ket innayon na pay a daitoy ket maysa a “political question.”
Sungbat daitoy iti petisyon ti 1Sambayan Coalition ken sumagmamano a kameng ti simbaan a kummiddaw iti Korte Suprema a bilinen ti Kongreso a mangaramiden iti nasao a linteg.
Segun kedagiti nagpetisyon, saan a tinungpal iti Kongreso ti trabaho da nga ipasa ti anti-dynasty law ti agingga 40 a tawen manipud idi naaramid ti 1987 Constitution.
Dinakamat da pay nga agingga 80% kadagiti tugaw ti Kongreso ket iggem dagiti political families ken panaglabsing met daitoy iti Article II, Section 26 ti Konstitusyon.
