LA UNION – Umaboten ti 127 ti bilang dagiti natay idiay Vietnam iti panagduprak ti Typhoon Yagi idiay Vietnam.
Napilitan metten nga umakar iti 59,000 a residente idiay Yen Bai province, segun kadagiti otoridad kalpasan a nalned ti layos ti aganay 18,000 a babbalay.
Iti layos idiay Hanoi, a kabisera ti Vietnam, ket dimmanon iti lebel a saan da pay a napas-pasaran sipud idi 2008.
Sumagmamano a lugar idiay Thai Nguyen province ti aginggat tengnged ti kaadalem ti yos.
Agtaltainaed a 54 a tattao iti missing.
Kabayatanna, agtultuloy a masap-sapol iti 8 a tattao a mapulpukaw kalpasan a narsuod ti Phong Chau bridge idiay Red River idiay central Hanoi idi Martes.
Naisalbar dagiti 5 a tattao a naiparna a lumabas iti nasao a rangtay idi mapasamak ti insidente.
Immuna a timmama ti bagyo iti nasao a agilian idi Sabado, nga addaan ti kapigsa ti angin a nasurok 149 kilometers per hour.
