Nakumpirma a pimmusay dagiti 43 nga indibidwal pakairamanan dagiti 15 nga ubbing kasaruno iti nakaro a panaglayos idiay Texas.
Agtultuloy iti maisaysayangkat a search operations kadagiti mapukpukaw a campers, vacationers, ken sumagmamano a residente.
Segun kadagiti opisial, nasursurok ngem 850 dagiti indibidwal a naisalakan pakairamanan dagiti nagkapet kadagiti kayo.
Kenuna ni Dalton Rice iti maysa a press conference, karaman kadagiti mapukpukaw ket dagiti 27 a babbai manipud iti Camp Mystic summer camp.
Maipalagip nga iti nakaro a panagtudo ket maisupadi iti forecasted rain a nangigubway ti napartak a panagngato ti danom ti agingana 29 feet.
Segun iti top official ti Kerr County a ni Judge Rob Kelly, ammo da a ngumato ti lebel ti karayan ngem saan da a napakadaan iti nasao a didigra.
Awan pay met iti pakabigbigan dagiti walo a nakumpirman a natay pakairamanan dagiti tallo nga ubbing.
Napagamwan nga iti Kerr County ket paset ti Texas Hill Country, maisa a rural area nga addaan ti historic towns ken tourist attractions.
Innayon pay ni Texas Lieutenant Governor Dan Patrick, saan a masinunuo iti bilang dagiti bisita a nagturong iti nasao a lugar partikular iti maisa a karayan tapno selebraran iti Independence Day.
Pakairamanan ditoy iti bilang dagiti indibidwal nga adda kadagiti tents, trailers, ken kadagiti narentaan a balay.
Maisa kadagitoy ket iti Camp Mystic a nagdagosan dagiti 700 a babbai iti kangitingitan ti panaglayos.
Malaksid iti Camp Mystic ket pimmusay met Jane Ragsdale, co-owner ti Heart O’ the Hills.
Kenuna met dagiti local officials nga iti nakaro a panaglayos idi Biyernes ket awanan ti naan-anay a warning wenno ballaag isutgapuna no apay ta saan dagos a nakaipaulog dagiti maseknan ti advance evacuation orders sakbay iti napartak a panagngato ti danom manipud iti Guadalupe River iti uneg laeng ti maysa agingana dua nga oras.
Iti “moderate” flood watch nga in-isyu ti National Weather Service (maisa nga aldaw sakbay iti layos) ket saan nga accurate wenno kusto a napatta-patta iti Extreme rainfall.
Agar-aramid metten ti wagas iti Trump administration tapno mapasayaat iti nasao a sistema.
Segun kenni sigud a NOAA director Rick Spinrad, inikkat ti administrasion dagiti rinibo a trabaho iti parent agency ti National Weather Service a National Oceanic and Atmospheric Administration, isu ta ado kadagiti weather offices iti nagbalin nga understaffed wenno agkurkurang iti empleyado na.
Impaganetget na a saan na a maibaga no nakaapektar iti panakakissay dagiti staff iti kinaawan ti advance warning ti nakaro a panaglayos idiay Texas, ngem posible a nakaapektar daitoy iti abilidad ti ahensia a mangipaay ti kusto ket inoras a forecasts.#
