Nagtungpal ti tensyon ken pisikalan a komprontasyon ti naangay a parliamento idiay Bulgaria kabayatan ti maysa a debate mainaig ti plano a panagserrek ti pagilian iti “Eurozone”.
Maibasar iti video a nagviral online, makita ni Yavor Bozhankov manipud ti partido a We Continue the Change iti tengnga ti debate.
Napasamak iti tensyon kasaruno ti panangaprobar ti European Commission ken European Central Bank iti panagsali ti Bulgaria ti Euro kas maysa nga opisyal a kwarta da manipud ita a tawen 2025.
Segun iti European Commission, addaan da ti umdas a basaran para ti panangaprobar ken panangisali ti pagilian ti Eurozone, pakairamanan ti natalged a panagmanehar ti inflation, budget deficit, ken utang ti Bulgaria.
Kabayatanna, rinibu a raliyista met ti nagtipon iti ruar ti parliyamento sadiay Sofia a tugot ti bandera ti Bulgaria ken Russia.
Agririyaw dagitoy ti “No to Euro colonialism!” bayat a dagiti dadduma met ket addaan ti nakapangato a placard a nakasuratan ti “NO TO THE EURO” ken “YES TO OUR LEV.”
Kinuna ni Prime Minister Rossen Jeliazkov a daitoy ket maysa a “remarkable day” para ti pagilian da bayat nga impaganetget met ni European Commission President Ursula von der Leyen a gapo iti desisyon ket lalo pay a pumigsa ti ekonomiya ti Bulgaria ti Euro.
