Nagsangon iti panagengnge ti Senate Blue Ribbon Committee ti Department of Environment and Natural Resources (DENR) ken Blue Star Construction Development Corporation, kaanib ti Masungi Georeserve Foundation mainaig iti kontrobersyal a panagkanselar ti katulagan.
Impaganetget ni Environment Secretary Maria Antonia Yulo-Loyzaga nga iti panagkanselar iti Supplemental Joint Venture Agreement ket maiyannurot ti paglintegan ken saan nga espesyal a kaso.
Segun iti DENR, naaramat ti 2014 COA findings ken konsultasyon iti DOJ ken Solicitor General tapno mapatibker ti desisyon gapo kunada ti kaawan iti bidding, nababa nga implementasyon ti proyekto, ken kinakurang ti presidential proclamation.
Nainget a pinaglibakan ti Masungi ken ti pannakangiwat da a ni Billie Dumaliang dagitoy nga alegasyon, ken kinuna a saan da a nakawat ti aniaman a pormal nga abiso.
Innayon na a maiyannurot iti ENIPAS law ti inaramid da para iti panangsalaknib iti aglawlaw.
Pinaregta ni Senador Alan Peter Cayetano ti panagbukel ti technical working group tapno maresolbar iti isyu ken impaganetget na iti pagkasapulan iti modelo nga ti epektibo a conservation efforts.
Maipalagip a nagtaud iti problema iti pannakapaay ti Blue Star a makaipasdek kadagiti 5K housing units, bayat nga sungungbat met ti Masungi a saan a tinungpal ti goberno ti naikeddeng a panangiyakar kadagiti ilegal nga agnanaed iti nasao a lugar.
