LA UNION – Inyanunsiyo ti Department of Health (DOH) nga inpangato ti Philippine Health Insurance Corporation (PhilHealth) Board of Directors ti package rate ti korporasion para iti hemodialysis iti P4,000 kada session manipud iti P2,600.
Segun ti DOH a nangted pay ti board ti approval para iti catheter insertion ken blood transfusion payments a mabalin a mai-claim nga agsina iti main case rate para iti admission.
Iti nadakamat nga addang ti PhilHealth ket maiyannatup iti direktiba ni President Ferdinand Marcos Jr ken singasing ni Speaker Ferdinand Martin Romualdez.
Ikonsidera met ti PhilHealth ti panangipangato iti financial coverage para iti renal replacement therapy (RRT) a pakairamanan ti Hemodialysis ken Peritoneal Dialysis.
