Nainget itan ti koordinasyon ti Department of Tourism, Department of Interior and Local Government (DILG) , Philippine National Police (PNP), ken Office of the President (OP) para ti panangipaay ti seguridad kadagiti turista.
Kasaruno daitoy ti nagbalin nga apela ti opisyal manipud Korean embassy a nasken a maaddaan ti nainget a panagbantay kadagiti umili da iti gobierno ti Pilipinas.
Sakbayna ket kinuna ni Embassy of the Republic of Korea Deputy Chief of Mission and Consul General Sang Seung-man a makapaalarma itan dagiti krimen a masansan a biktima ket dagiti turista a Koreano.
Insungbat met ni Tourism Secretary Christina Frasco nga addaan da itan ti strikto a koordinasyon iti gobierno ti Korea tapno agbalin a natalged dagiti umili da ditoy pagilian.
