Agtultuloy ti panangallukoy iti Department of Education Region 1 kadagiti nagannak nga ipa-enroll dagiti annakda para iti school year 2021-2022 kagiddan iti mannarimaan a maisaysayangkat nga enrollment.
Iti naangay a kumustahan sa Deped nga indauluan iti Deped Region 1 press conference, segun kenni Darius Nieto, Project Development Officer 4 iti Education Support Services Division iti Deped Region 1 kinunana a saan pay a nagun-od ti Ilocos Region ti target a bilang dagiti enrollees para iti daytoy nga school year a kas idi napalabas a tawen.
Kinumpirma iti nadakamat nga opisyal nga adu pay laeng ti bilang dagiti enrollees ditoy rehiyon iti ururayen da itatta nga agpaenroll numan pay nakaituding nga inton Sept. 13 ti deadline ti enrollment.
Base iti quick count iti Deped Region 1, dumanon pay laeng itatta ti 349, 962 ti bilang dagiti nagpa-enroll sipud iti panangrugi ti enrolment idi August 16. Buklen daytoy dagiti kinder to senior high school.
Iti breakdown dagiti nagpaenroll:
52,742 ti nakapagpaenrollen iti kinder ditoy ilocos region
Elementary – 133, 347
Junior highschool – 93, 963
Senior highschool – 69, 910
No idilig idi napalabas nga school year ket immabot iti 1, 287, 192 ti bilang dagiti estudyante a nakapagpaenroll kadagiti pampubliko ken pampribado a pagadalan ditoy Ilocos Region.
Alallukoyen pay ti deped region 1 dagiti nagannak nga addaan iti anak a sumrek iti kindergarten ta ipaenroll dan dagiti annak dagitoy tapno saan dagitoy a maladaw nga ageskwela gapu iti edad da.
Mangnamnama itatta ti Deped Region 1 a kadagiti sumarsaruno nga aldaw ket manayonan pay ti bilang dagiti agpaenroll.
Dagiti met nagearly registration idi napalabas a marso ken abril ket nasken a makipagkoordinar da latta kadagiti mannursuro tapno ikumpirma ti panagparehistro dagitoy.
Positibo isuda a malagpasan ti bilang dagiti enrollees idi napalabas a tawen isut gapuna nga agtultuloy ti kampanya iti deped region 1 iti panagpaenroll dagiti estudyante.
Silulukat met dagiti pagadalan a mangawat kadagiti estudyante, makikoordinar laeng kadagiti advisers iti grade level a pagienrollan kadakwada.
