BR LA UNION – Narigat a maipursige iti plano a panangidatag ti impeachment complaint kontra kenni President Ferdinand Marcos Jr.
Segun kenni House Deputy Speaker Ronaldo Puno nga awan ti basaran wenno ground tapno ma-impeach iti Presidente nangruna ket naurnos iti panangimaton na.
Sungbat daytoy ni Puno iti report a plano a mangidatag ti impeachment complaint ni Cavite Rep. Kiko Barzaga kontra iti Chief Executive.
Agdudua ni Puno nu adda mang-suporta ti nasao nga addang ni Barzaga.
Nupay kasta, impaganetget ni Puno a nawaya ni Barzaga a mangidatag ti impeachment complaint.
Impaganetget ni Puno a para kenkuana, awan ti makita na a legitimate complaint tapno idatagan ti impeachment iti Presidente.
