Rimmuar dagiti nadumduma a kontroberya iti pannakaiganwat ti imbestigasyon mainaeg iti operasyon ti Private Motor Vehicle Inspection Center no sadino dinar-ayan daytoy ni San Fernando City Vice Mayor Alf Ortega.
Segun kenkuana, arigna awan iti proper consultation daytoy iti National Economic and Development Authority iti panagsaludsod ni Sen. Ralph Recto.
Naisaludsod pay kuna na ni Senate Minority Leader Sen. Franklin Drilon no apay a pribado nga sektor ti mangimaton iti PMVIC a nasket ket agtalinaed iti gobierno.
Mainaeg dagiti timpuar a saludsod ket padpadaanan ita ti resulta iti agbalin a meeting iti Department of Transportation (DOTr) para iti temporaryo a pannakasuspinder iti operasyon ti PMVIC.
Naamuan nga adda aganay 138 ti acredited a PMVIC ken saan pay a karaman dagiti dadduma.
Maipalagip, ti nangato a singir ti PMVIC nga aganay P1,800 pesos ken kanayunan pay a P450 pesos para iti re-inspection.
Manamnama nga ita a lawas ket adda ti rumuar nga resulta iti nasao a suspensyon.
