Awan ti mabirukan ti Department of Foreign Affairs (DFA) a rekord ti pasaporte ken biometrics babaen ti nagan a Edgar Matobato, ti self-confessed hitman ti maipagarup a kontrobersial a Davao Death Squad.
Immuna iti dayta ket kinuna ti DFA nga imbestigaranda dagiti report ti pasaporte ni Matobato nga addaan iti baro a pakabigbigan sakbay nga a naglibas ditoy Pilipinas.
Iti press briefing a naangay idi kalman, aldaw ti Biernes, Enero 31, kinuna ni DFA Secretary Enrique Manalo nga uray dagiti kakadua ni Matobato ket awanan metlaeng kadagiti records.
Iti laksid daytoy, kinuna ti sekretario nga aktibo a makipaset ti ahensia iti kaso ni Matobato.
Idi Enero 11, inwaragawag ti Bureau of Immigration Spokesperson a ni Dana Sandoval a ti ahensia ket natakutanen ti wagas nga inusar da Matobato a makapanaw iti pagilian ngem saan pay nga naipablaak dayta iti publiko.
Ti imbestigasion ti panaglibas ni Matobato ditoy pagilian nga usar ti fake identity ket nagtaud iti artikulo manipud New York Times idi Enero 5 nu sadiay ket naipablaak dagiti maudi nga aldaw ni Matobato a panaglemmeng na ditoy Pilipinas.
Nakailanad ti artikulo ti salaysay agingga nakapanaw isuna sadiay saan a nanaganan a pagilian kakadwa dagiti step-children ken common-law wife na babaen ti peke a pakabigbigan.
