Impangaton ti gobierno ti Pilipinas ti crisis alert level 3 sadiay Israel ken Iran.
Gapo iti daitoy ket pinaregta ti Department of Foreign Affairs (DFA) dagiti Overseas Filipino Workers (OFWs) nga adda kadagiti nasao a pagilian a sungbatan ti panawagan para ti voluntary repatraition.
Agingga 30K dagiti Pilipino nga adda ita idiay Israel ken kaadwan kadagitoy ket caregivers bayat a nasurok sangaribo met ti agnanaed idiay Iran.
Segun iti DFA, siasinoman nga OFW nga intersado para ti repatriation ket agturong laeng iti embahada tapno mapirmis ti papeles da nga agsubli ditoy Pilipinas.
Maipalagip a sumagmamano nga aldawen nga agsinsinnukat ti missiles ti Iran ken Israel ken ginasuten ti natnatay gapo iti agtultuloy a gyera da.
