Inyendorso ti Department of Foreign Affairs (DFA) ti nagan para ti 131 maritime feature sadiay West Philippine Sea (WPS).
Pinermaan ni outgoing Foreign Affairs Secretary Enrique Manalo ti National Maritime Council (NMC) Resolution No. 002 a mangirekrekomendar ti agbalin a nagan dagiti 131 maritime feature iti mapagsusupiatan a paset ti kabaybayan.
Ti nairekomendar a ‘standard set of Philippine names’ ket para kadagiti reefs, sandbars, ken dadduma pay a maritime feature idaiy Kalayaan Island Group (KIG) a paset ti Spratlys archipelago.
Immuna metten a ninaganan ti lokal a gobierno ti Kalayaan, Palawan dagiti innem a features idi tawen 2020 para ti tarigagay nga ipaganetget ti soberanya ti Pilipinas kadagiti lugar nga ipilpilit ti China a bagi da.
Pakairamanan daitoy dagiti Pag-asa Cay 1, 2, 3, ken 4, kasta met ti Pag-asa Reefs 1 ken 2. Ti nagan a Pag-asa ket nagtaud manipud ti seat of government of Kalayaan.
Nareorganisa a sigud nga National Coast Watch Council ti National Maritime Council a nangaramid ti inisyatiba a nabukel idi napalabas a tawen babaen ti Executive Order No. 57 ni Presidente Ferdinand Marcos Jr.
Nagserbi ditoy kas chairman ni Executive Secretary Lucas Bersamin, bayat a miembro met dagiti sekretaryo ti Department of National Defense, Department of Agriculture, Department of Energy, Department of Environment and National Resources, DFA, ken National Security Adviser.
