Makikokoordinaren ti Department of Information and Communications Technology (DICT) kadagiti social media sites tapno mataming dagiti false contents a maar-aramid babaen iti artificial intelligence (AI), aglalo ita umadanin iti 2025 elections.
Daitoy ti inbinglay ni DICT Undersecretary Jeffrey Ian Dy kabayatan ti hearing ti Senate finance subcommittee iti singasing ti ahensya a P7.8-billion para iti 2025 budget.
Kinuna pay ti opisyal ti DICT iti Senate panel nga addaan da iti information materials a makatulong iti publiko a ma-detect nu ti content ket AI-generated ken saan.
Nupay kasta, kinuna ni Senator Raffy Tulfo a saan na pay nakitaan iti action ti DICT kontra kadagiti peke nga AI-generated contents.
Nagpadispensar met ti Undersecretary gapo iti saan da a pannakarisut ti dadduma a contents ngem kinuna na kenni Senadtor Tulfo nga addaan ti ahensya kadagiti record ti URLs report ti social media a na block ken naik-ikkat.
Impunto ti DICT nga awan pay iti naaramid a linteg a mangited kenkuada iti kabaelan a mang-regulate kadagiti social media plaforms.
Kabayatanna, kinuna ni Senator Sherwin Gatchalian a kasapulanen nga ag step up iti DICT ken impunto na dagiti kadawyan a ma-hack nga government sites kasta met a kanayon a makapadpadas iti data breach manipud Enero agingga Agosto atta nga tawen.
Segun kenni Gatchalian, dagiti sektor nga addaan kangatuan bilang ti data breaches ket dagiti sumaganad:
- Government offices: 40%
- Other sites: 18%
- Financial and education sectors: 15%
- Manpower agencies: 12%
