Binabalaw ni French President Emmanuel Macron ti sumagmamano a ganggannaet a lider, agraman ni US President Donald Trump, gapu iti maipagarup a panangisaknapda iti palso nga impormasion ken panangusarda iti riribuk idiay France para iti personal a politikal nga interes.
Sigun iti maysa a report idi kalman Mierkoles, Oktubre 21, kinuna ni Macron a saan a maakseptar dagiti sasao a mangpabpabasol kadagiti Muslim migrant kadagiti mapaspasamak a riribuk ken panagtakawan iti sumagmamano a siudad iti pagilian.
Impakdaarna pay maibusor iti pannakausar dagiti palso a salaysay ken ladawan a pinarsua ti artificial intelligence tapno maimpluensiaran ti opinion ti publiko.
Napasamak ti statement bayat a sangsanguen ti France ti nasaknap a protesta gapu iti ngumatngato a gastos para kadagiti magagatang ken dadduma pay a parikut.
Kabayatanna, ikagkagumaan ti gobierno ti nasao a pagilian a taginayonen ti urnos ken labanan ti panagsaknap dagiti palso nga impormasion.
