BR LA UNION – Pinaglibakan ti Department of Interior and Local Government (DILG) a naikkat iti puwesto ni sigud a PNP chief Gen. Nicolas Torre III gapu iti saan na a panangaprubar ti panaggatang ti 80,000 a paltog para kadagiti otoridad.
Segun iti DILG, kina-ulbod ken awan kina-agpayso na ti rimuar nga isyu, a kinontra ni Torre iti bilin ni Interior Secretary Jonvic Remulla.
Maipagarop a sekretaryo pay mismo iti nangibilin kenni Torre nga adalen a naimbag ti panaggatang ti kanayunan nga armas para iti pulisiya ken pinalagipan pay ti sekretaryo ni Torre a ti panaggatang ti armas ket maisayangkat babaen ti congressional insertion gaputa saan a karaman daytoy iti National Expenditure Program.
Inlawlawag ti DILG a kaatnuman ket saan a nagaramid ni Remulla ti endorsememt para iti anyaman a congressional budget insertion.
Kinanunongan met ti sekretaryo ni Torre idi imbaga na a saan a kasapolan ti kanayunan nga armas.
Sungbat daytoy ti DILG kadagiti rumrumwar a report a ti pannaka-ikkat ni Torre kas PNP chief ket gapu iti imbasura na a proposal a panaggatang ti kanayunan nga armas para iti Philippine National Police.
