BR LA UNION – Insingasing ti Department of the Interior and Local Government (DILG) nga ipawilen ti panagparada ti lugan kadagiti kangrunaan a kalsada idiay Metro Manila.
Iti nasao nga addang ket tapno mapalukay ti kalsada manipud iti nairut a trapiko idiay Metro Manila.
Inaramid ni Interior Secretary Jonvic Remulla iti suhestiyon iti insayangkat a panagtataripnong ti Metro Manila Council ken dinar-ayan dagiti 17 a mayor idiay Metro Manila.
Segun pay iti sekretaryo a tarigagay da nga agbalin a natalged ken napinpintas a pagnaedan ti tattao iti Metro Manila isunga insingasing na iti panangipawil ti agparada ti lugan kadagiti kangrunaan a kalsada.
It biang ni Metropolitan Manila Development Authority (MMDA) chairman Romando Artes a plano da nga ipatungpal iti side-street parking policy tunggal rush hours manipud alas-7 agingga alas-10 ti agsapa ken alas-5 ti malem agingga alas-8 ti rabii.
Pagtataripnongan ti Metro Manila Council ti nasao a gakat ket target da a mangputar iti allagaden para iti nasao a singasing inton Setyembre 1.
