Agtultuloy a makagungun-od kadagiti nagduduma a reaksyon ti nagbalin a panagtaripnong da US President Donald Trump ken ni Russian President Vladimir Putin idiay Anchorage, Alaska.
Sumagmamano a personalidad dagiti mangnamnama a daitoyen ti agbalin a rugi ti diplomatiko a solusyon ti pannakarisut ti gyera ti Russia ken Ukraine bayat a dagiti dadduma met ket maseknan iti saan a panangisali kenni Ukrainian President Volodymyr Zelensky iti negosasyon.
Laksid dagiti kontrobersiya, nalawag nga agtultuloy latta ti tarigagay dagiti karaman a lider iti panangitandudo ti kinakapia nupay nagduduma da iti tignay iti sitwasyon.
Iti biang ni Zelensky, impaganetget na a saan a mabalin a mailaksid ti Ukraine ti aniaman a saritaan maipanggep ti agraraira a gubat ken kinunana a nasken nga addaan da iti parte iti katulagan agipud ta kasapulan a maikonsidera ti posisyon da kadagiti kiddaw ni Putin.
“The war is happening in Europe, and Ukraine is an integral part of Europe — we are already in negotiations on EU accession.”
Kabayatanna, kalpasan ti panagtaripnong ket imbatan ni Trump nga ikonsidera dan ton iti sumaruno a saritaan ni Zelensky ngem iti biang ni Putin ket nasken a maangay ti summit idiay Moscow, Russia.
