Nangbukel ti baro a sistema ti Department of Migrant Workers (DMW) maipanggep iti naur-urnos ken protektado a kasasaad dagiti Pilipino a mannalon idiay South Korea.
Tarigagay daitoy a maliklikan dagiti problema kas iti illegal recruitment ken panagabuso kadagiti trabahador.
Segun kenni DMW Secretary Hans Leo Cacdac, nainget iti aramiden da a panagbantay ti recruitment process.
Isuda ti mangiuna ti panagpili ken panag-orient kadagiti mangmangged sakbay da a pumanaw iti pagilian.
Paset iti programa ti panangipatulod ti 47 a Pilipino idiay Gochang, South Korea tapno agtrabaho kadagiti pagtalunan ti strawberry, bulaklak, ken dadduma pay a produkto.
Iti kontrata ket agpaut aginggana lima a bulan, depende iti paniempo ti panagtalon ken panagapit.
Namnamaen ti DMW nga iti kapadasan dagiti agtrabaho idiay South Korea ket makatulong iti panagrang-ay ti agrikultura ti pagilian.
Siguradoen met ti Bureau of Immigration (BI) nga addaan ti legal a kontrata dagiti mangmangged aa rumuar ditoy pagilian.
