Nainget a kinondena ti Department of National Defense (DND) iti waragawag ti tagapagsarita ti Chinese Ministry of Foreign Affairs a mangibagbaga nga adda iti opisial ti Pilipinas a mabalin nga agtennag ti “pay the price” gapu iti maipagarup a panagiwaras ti disinformation.
Segun kenni DND spokesperson Assistant Secretary Arsenio Andolong, saan nga agpakigla iti DND ken Armed Forces of the Philippines iti aniaman a pangta ti China ken agtultuloyda a kontraen dagiti maipagarup a kinaulbod ken ilegal nga aramid ti nasao a pagilian iti West Philippine Sea (WPS).
Maipalagip a kimmaro iti tension kalpasan a mangipila ti diplomatic protest iti China kontra kenni Philippine Coast Guard spokesperson Commodore Jay Tarriela, kasaruno ti panagusar ti opisial dagiti caricatures a mangiladladawan kenni Chinese President Xi Jinping iti maysa a presentation mainaig kadagiti aktibidad ti China iti mapagsupsupiatan a kabaybayan.
Impaganetget ti ahensia nga awan ti legal a basaran iti panangtagikua ti China iti WPS, maiyannurot iti desision ti international arbitral tribunal idi 2016 a pimmabor iti Pilipinas.###
