Nakipamaysa ti Department of National Defense (DND) iti umili a Pilipino iti panagrambak ti National Heroes’ Day a maibilbilang kas pananglaglagip kadagiti sakripisyo ken kinabannuar dagiti limmaban para iti independencia ti Pilipinas.

Nilaglagip ni Defense Secretary Gilberto Teodoro Junior babaen ti mensahe na ti kinatured ken kinabannuar dagiti insakripisyo da iti biag da tapno laeng magun-od ti pagilian ti pannakawaya-waya ken soberanya manipud kadagiti kolonyal a gobierno.

Segun kenni Teodoro, agbaliw man iti panawen ket agtalined latta iti tarigagay ti tunggl Pilipino – dayta ket ti agtalinaed a nawaya, natang-ay ken nagmayamysa a pagilian.

Imbatad na a saan laeng dagiti rinnaut idi ti nasken a mapabigbigan nu di karaman payen dagiti “modern-day heroes” kas dagiti OFWs, healthcare workers, guro, atleta, ken mangngalap a Pilipino.

Kamaudiananna ket impalagip ti DND a ti kinabannuar ket nasken a nagbiag iti puso ti tunggal o umili, maysa a panagtignay a katno pay ket saan a mangayat a masakop ken protektaran manipud kadagiti gumurgura iti pagilian.