BR LA UNION – Direkta a binabalaw ni Department of National Defense (DND) Secretary Gilberto Teodoro Jr. iti Chinese Communist Party gaputi agtultuloy a panangbastos kadagiti babassit a pagilian.
Inaramid ni Teodoro iti waragawag, kagiddan ti panagbisita na iti Wallace Air Station ditoy San Fernando City, La Union.
Segun kenni Teodoro, naglawag a tag-tagi-awanen ti China iti international law kagiddan ti agtul-tuloy a panangharass kadagiti babassit a pagilian kas ti Pilipinas.
Iti ‘expansionism’ wenno pilit a panang-palawa ti teritoryo kunana, agraman ti panangtagi-awan iti kinatalged dagiti barko idiay West Philippine Sea, ket nakalukat iti intero a lubong ken makitkita ti tunggal pagilian iti Asia-Pacific Region.
Immuna a binabalaw ti DND secretary iti nabiit pay a peligroso a maniobra ti Chinese air asset idiay Bajo de Masinloc kontra iti Bureau of Fisheries and Aquatic Resources authorities.
Segun kenni Teodoro, kasapolan a papigsaen pay ti Pilipinas ti pannaki-alyansa na iti dadduma a pagilian tapno malapdan ti agtultuloy a panaga-harass ti Chinese Communist Party.
