Maysa a doctor manipud United Kingdom of Great Britain and Northern Ireland, ken ti intero a pamilya na ti karaman kadagiti pimmusay iti panagsuwek ti Boeing 787 idiay India idi aldaw ti Huebes, Hunyo 12.
Nabigbig ti biktima a ni Dr. Prateek Joshi, maysa a radiologist sadiay Royal Derby Hospital ti United Kingdom. Kadwa na a pimmusay ti asawa ken tallo nga annak na, segun iti Derby Hindu Temple ti Pear Tree, Derby.
Inbinglay ti pannakangiwat ti Templo iti social media iti pannakiladingit da iti pamilya ken ti agtultuloy a kararag para kadagiti naibati dagiti biktima.
Ti Flight AI171 ket addan sakay a 242 a tattao — 169 Indian nationals, 53 Briton, 7 Portuguese nationals, ken maysa a Canadian. Nagsuwek daitoy iti maysa a residential area ti Meghani Nagar kasaruno ti 30 segundo laeng manipud iti takeoff.
Maibasar ti inisyal nga imbestigasyon, maysa a mayday call ti nailista ken saanen a nabaelan pay ti piloto a sumungbat.
Kinuna met ti Derby Hindu Temple a da Dr. Joshi ken ti pamilya na ket aktibo a miembro ti Mandir ken naimpusuan nga agserserbi iti komunidad.
