Mangisayangkat ti Department of Energy (DOE) ti public consultation ita nga aldaw ti Martes, Agosto 19, kakadwa dagiti 120 a represenante manipud pribado a sektor tapno dakamaten ti draft ti Carbon Credit Policy — maysa nga addang a panggep a makaallukoy ti ad-adu pay a panagpuonan iti nalinis nga enerhiya.
Segun kenni DOE Undersecretary Felix William Fuentebella, ti polisiya ken maibilang a “game-changer” para ti sektor ti enerhiya agsipud ta mangipaay daitoy iti nalawag a direktiba iti panangimaton ken panag-monitor kadagiti carbon credits.
Impasiguro na a tunggal tonelada a maikissay a carbon dioxide ket pudno ken mapaneknekan, banag a mangpangato ti talek ken panagpuonan iti climate solutions.
Panggep pay ti polisiya a siguraduen ti environmental integrity, itandudo ti transparency, ken suportaran dagiti proyekto para ti panagkissay kadagiti greenhouse gas emissions.
Maipalagip a nagperma ti Pilipinas ken Singapore ti maysa a katulagan idi Agosto 2024 para iti kooperasyon da seknan ti carbon credits babaen ti Article 6 ti Paris Agreement.
