Pinaregta ti Department of Energy (DOE) iti publiko a dagus nga ireport ti aniaman nga insidente ti hoarding wenno panagipit ti suplay ti petroleo, nangruna no adda ti umadani a panagngato ti presio ti langis.
Segun kenni DOE Secretary Sharon Garin, masansan a mapasamak daytoy a kita nga aramid no nangato ti presio ti langis. Adda met dagiti sumagmamano a gasoline station nga agkedked nga aglako ti produkto a petroleo.
Kenuna pay ni Garin a kadawyan a maapektaran ti diesel nga us-usaren dagiti PUV drivers gapu iti supply squeeze.
Mainaig daytoy,inbalakad ti DOE iti publiko nga ikkan ti dokumento, retrato, wenno video dagiti reklamoda sakbay nga isubmitir dagitoy iti Citizen’s eReport System portal iti eGov app.###
