Naituding nga ideklara ni Health Secretary Ted Herbosa ti dengue outbreak gapu ta adda itan iti “outbreak levels” ti bilang dagiti kaso ti dengue ditoy pagilian.
Nagkedked ni Herbosa a mangted iti kanayonan nga impormasion maipapan iti daytoy a banag ngem maibasar iti kaudian a datos ti Department of Health (DOH), immadu ti kaso ti dengue iti intero a pagilian iti 33% iti tinawen manipud iti 102,374 agingga iti 136,161, agingga iti Agosto 3.
Basbassit dagiti natay gapu iti dengue ita a tawen a 364 no idilig iti 401 idi napan a tawen.
Nakairekord ti dadduma a lugar iti ruar ti Metro Manila iti panagngato ti kaso ti dengue a nangrugi idi Hulio 2024, a kas iti Ormoc City, Leyte ket masapul a mangideklara iti state of calamity.
Naireport met ti dengue outbreak iti intero a probinsia ditoy Iloilo gapu iti umad-adu a kaso ti dengue hemorrhagic fever iti 36 kadagiti 43 a local government units ti Iloilo.
Maisayangkat idiay Ciudad ti Manila ti misting ken spraying activities kadagiti amin a public schools manipud Agosto 19 agingga iti September 20, 2024 iti baet ti panagngato ti kaso ti dengue.
Pinalagipan ti DOH iti publiko nga aramidenda ti 4S strategy kontra dengue: Agbirok ken mangdadael kadagiti pagpaaduan; Secure self-protection; Seek early consultation; and Support fogging or spraying in hotspot areas, nangruna ita ta umayen ti panawen ti panagtutudo.
