Natured a kinuwestyon ni Atty. Hazel Meking ti implementasyon ti inruar a circular ti Department of Justice mainaig iti panangilasin kadagiti ebidensiya ti prosekusyon.
Kayat a mailawlawag wenno maikkan ti sungbat iti daitoy nu apay a saan a matultuloy ti ‘conviction’ gapo ti rason a saan a ‘certain’ ti kaso.
Impaganetget ni Atty. Hazel Meking a adda iti nagreklamo kenkuana nga agsangsangit gapo iti madagdagos a pannaka-dismiss ti kaso nga uray awan met iti nalawag wenno sigurado a presentasyon dagiti ebidensya.
Gapo iti daitoy ket pormal a kinuwestyon na ti implementasyon iti Department of Justice babaen ti panangipila ti Petition for Certiorari sadiay Korte Suprema kontra iti nadakamat nga ahensya.
Nakalanad iti petisyon mapa-annul wenno mapaawan-bileg ti Department Circular 20 ti DOJ a narugyan idi pay tawen 2023.
Innayon pay ti abogado a ti circular ket makaapektar kadagiti biktima ti krimen agsipud ta iti prosekusyon paylaeng ket maibasbasura a dagosen ti kaso da.
