BR LA UNION – Inlawlawag ti Department of Labor and Employment (DOLE) nga awan ti nationwide increase iti minimum wage inton Mayo 1.
Segun kenni Labor Secretary Bienvenido Laguesma, agtalinaed ti wage adjustment kadagiti rehiyon babaen iti Regional Tripartite Wages and Productivity Boards (RTWPBs).
Inlawlawag ni Laguesma a ti laeng Kongreso ti makaipaulog iti linteg para iti across-the-board wage hike.
Iti agdama, tunggal rehiyon ket agibasar da iti inflation, presyo dagiti magatgatang, ken kasasaad ti ekonomiya sakbay a mangituding ti panagngato.
Kinunana pay a laksid dagiti panawagan a P200 a wage hike mula iti labor groups, dumalan latta daytoy iti regular review process dagiti wage boards.
Kinunana nga amin a rehiyon ket naipatungpaldan ti adjustments iti 2025–2026 wage cycle.
Innayon ti DOLE a mangrugi ti baro a wage cycle para iti 2026–2027 inton Mayo, ket maminsan manen a repaswen ti tripartite boards iti posible a panagngato ti suweldo agraman dagiti pannakabagi ti gobierno, trabahador, ken employer.
