Nagpakdaar ti Department of Labor and Employment (DOLE) kadagiti job seekers kontra ti peke a maidiadiaya nga trabaho ken financial scams ita nga umadani manen ti graduation season.
Nilaglagip ni DOLE Secretary Bienvenido Laguesma nga ti napalabas a dua a tawen ket inusar dagiti scammers ti ladawan ni Presidente Ferdinand Marcos Junior tapno i-promote ti peke a tulong pinansiyal babaen ti Tulong Panghanapbuhay sa Ating Disadvantaged/Displaced Workers wenno TUPAD.
Kinuna pay ti sekretaryo a malaksid iti agtultuloy nga information dissemination kadagiti telebisyon, radio, ken social media, makikoordinar da payen iti Department of Information and Communications Technology (DICT) kenkadagiti law enforcement agencies agsipud ta isuda met ti addaan responsibilidad iti prosecution ken enforcement.
Manipud ti biang ti DOLE, ik-ikkan da kunada ti inputs dagitoy a maseknan nga ahensya tapno mapapigsa ti information technology infrastructure ken malabanan dagiti cyberthreats.
