Inyanunsyo ni President Donald Trump di pangggatang ti disenyo a “Golden Dome,” maysa a missile defense shield nga aggatad ti $175-B a nairanta kas depensa Estados Unidos kontra China ken Russia. Napili ni US Space Force General Michael Guetlein a mangidaulo iti proyekto.
Panggep iti Golden Dome a mangbukel ti ribinu a satellites tapno dakamaten, bantayan, ken iharang dagiti umay a missile strike.
Indasig ni Trump iti nasao a dome iti Star Wars defense system ni Ronald Reagan a posible itan a mapasamak gapo iti high technology nga adda iti pagilian da.
Segun iti Canada, interesado da met a makisalip iti nasao a proyekto kas panangpapigsa ti relasyon ti North American Aerospace Defense Command (NORAD) iti seguridad dagitoy.
Kabayatanna, adda met iti panagdudua dagiti eksperto ken dagiti mamanday-linteg – kinuna ti Congressional Budget Office a posible a danonen ti agingga $831-B ti magasto iti proyekto nga agpaut ti duapulo a tawen.
Nupay adda iti naisingasing a $25-B nga inisyal a pondo, nakaangkla met daitoy iti maysa a kontrobersyal nga reconciliation bill idiay Kongreso a mabalin a mangitantan iti pannakaiyuswat na.
Iti sabali a bangir, nanagananen dagiti agserbi kas contractor iti proyekto kas iti SpaceX ni Elon Musk, Palantir, Anduril, L3Harris, Lockheed Martin, ken RTX.
