Nagturong ti mapapati a doppelganger ni dismissed Bamban, Tarlac Mayor Alice Guo iti opisina ti National Bureau of Investigation idiay ciudad ti Quezon.
Simmango idiay NBI ti maipagarop a double ni Alice Guo a ni Catherine Salazar tapno sanguen dagiti alegasion kontra kenkuana.
Idi nagparang ni Salazar iti sango ti NBI, nakasuot daitoy iti light green shirt, maong, face mask, sarming ken nakalugay iti buok na a kas kenni Alice Guo sakbay a naglemmeng idi kadagiti otoridad.
Maipalagip nga immunan a nakisarita ni NBI Assistant Director for Investigation Service Lito Magno ni Alice Guo kalpasan a naarestar isuna idiay Indonesia.
Ditoy nga impakita ti opisial ti NBI kenni Guo ti retrato iti selponna ket dinamagna no isu ti babai iti retrato, ngem inlibak ti dati a mayora ket kinunana a staff-na laeng.
Immuna met a kinuna ti NBI nga iti aid ni Guo a ni Catherine Salazar ket mabalin a naaramat kas decoy wenno agpammarang a ni Alice Guo tapno matikaw dagiti otoridad iti panagbirokda idi aglemlemmeng ti dati a mayor idi Hulio.
