LA UNION – Iti Department of Transportation (Dotr) ti addaan kadakkelan a budget para iti sumaruno a tawen.
Maibasar iti naisumite a 2025 National Expenditure Program ti Department of Budget and Management idiay Kamara, maising-singasing iti P180.9 billion pesos nga alokasyon para iti DOTr a mas nangat-ngato kumpara iti 73.9 billion pesos iti sidong ti 2024 General Appropriations Act.
Aganay 144.8 percent a ngimmato ti pondo ti ahensya tapno usaren iti funding requirements iti major rail, land, air ken sea transportation projects.
Karaman a ponduan ti DOTr iti Active Transport Bike Share System and Safe Pathways Program nga addaan ti 60 million pesos; 12.7 billion pesos para iti Cebu Bus Rapid Transit Project, Davao Public Transport Modernization Project ken Public Utility Vehicle Modernization Program.
P64 million pesos met ti mailatang para iti EDSA Busway project.
Iti sidong ti Rail Transport Program, dagiti maponduan a proyekto (P107.3-B) ket iti: North-South Commuter Railway System, MRT-3 Rehabilitation Project ken Metro Manila Subway Phase 1.
Iti sidong ti Aviation Infrastructure Program, dagiti maponduan a proyekto, partikular iti konstruksyon ken rehabilitasyon dagiti domestic airports idiay: Tacloban, Dumaguete, Busuanga, Laoag, Iloilo, Virac, New Manila International Airport, Siquijor, Central Mindanao ken Zamboanga.
Inlalawag ni Budget Secretary Amenah Pangandaman, dimmakkel ti alokasyon iti DOTr gaputa kasapolan nga agbayad iti gobyerno para kadagiti proyekto a kaadwan ket foreign-assisted.
Dadduma pay nga ahensiya a dakkel ti pondo na para iti 2025 national budget ket dagiti sumaganad:
DND – P1.70-Billion
NICA – P992 -Million
PNP – P806- M
PDEA – P500-M
DOJ – P579.4 -M OSEC, BI, NBI, OSG,
DOF – BOC
BIR – P79.5-M
DOTR – OTS
PCG – P405-M
COA – P10-M
AMLAC – P7.5-M
NATIONAL SECURITY COUNCIL – P250-M
OPAPRU – P6O-M Office of the Presidential Adviser on Peace, Reconciliation and Unity
OMBUDSMAN – P51-M
COMMISSION ON HUMANR RIGHTS – P1-M
Games and Amusements Board (GAB) – P4-M
