Nadutokan kas baro a sekretaryo ti Department of Public Works and Highways ni Department of Transportation Secretary Vince Dizon kalpasan a nagikkat iti pwesto ni Department of Public Works and Highways Secretary Manuel Bonoan.
Iti kabaruan a panakadutok daytoy ket addaan panggep nga ipamaysa ken aksionan dagiti isyu a mangbalbalkot ita ti ahensiya partikular dagiti maanomalya a flood-control projects.
Nabilin ni Dizon a siguraduen nga iti pondo ket maar-aramat iti panangipasdek kadagiti imprastaktura a makabenepisyar iti publiko.
Babaen ti lideratona, mapasayaat ken maipasidong iti modernisasyon iti transportation sector ken suportaran iti prayoridad a panagpatalinaed iti kinatalged dagiti commuters ken nasaysayaat a project delivery.
Mangipakpakita ti panakadutok ni Dizon iti natibker a takder ti agdama nga administrasyon a maresolba ken mapagsungbat iti linteg dagiti opisyal nga agar-aramid ti korapsyon ken panagkunniber ken saan a makaipapaay dagiti epektibo a serbisyo-publiko.
Daytoy a panagbalbaliw ket napasamak iti kangitingitan ti imbestigasyon kadagiti naanomalyaan a flood-control projects kadagiti nadumaduma a paset ti pagilian ken manamnama nga agbalin nga epektibo inton bigat, aldaw ti Lunes, Setyembre 1, 2025.###
