Bimmisita ni Transportation Secretary Vince Dizon iti tabon dagiti walo a biktima nakaam-ames a karambola sadiay Subic–Clark–Tarlac Expressway wenno SCTEX a nakatayan dagiti 10 a tattao, karaman dagiti uppat nga ubbing ken nakadunoran dagiti nasurok 30 nga indibidwal.
Impasiguro ti Department of Transportation (DOTr) iti hustisya para kadagiti biktima, nupay negatibo iti ilegal a droga ti bus driver Solid North a karaman iti insidente, kas maibasar ti Tarlac City Police.
Inyanunsyo ni Dizon a nangrugi ti Lunes ket naipasidongen ti nainget nga inspeksyon iti roadworthiness dagiti amin a 273 a bus ti Solid North, bayat nga amin a drivers ti kompanya ket obligado met a maipasidong ti drug testing.
Karaman iti ad-adalen ti DOTr iti regulasyon ti maximum time ti biahe dagiti bus driver tapno maliklikan ti bannog ken disgrasya iti kalsada.
Napasamak iti disgrasya idi aldaw ti Huwebes sadiay Tarlac City Toll Plaza ti SCTEX, nu sadino ket karaman dagiti sumagmamano a lugan ken ti maysa a bus nga agturong kuma iti youth camp idiay Pangasinan.
Temporario a nasuspindir ti 30 nga aldaw ti operasyon ti Pangasinan Solid North Transit Incorporated bayat nga makikokoordinar metten iti kompanya kadagiti natayan.
Nangipadanon met ti tulong ti Lokal a Gobierno ti Tarlac ken ti Department of Social Welfare and Development (DSWD) kadagiti magastar ti paospital ken punpon dagiti biktima.
