Ginisa ni Senador Rodante Marcoleta ti Department of Public Works and Highways (DPWH) gapo ti kinakurang iti koordinasyon ti Riverbasin Control Office, maysa nga ahensya ti gobierno nga addaan mandato a pagmaymaysaen dagiti flood control projects ti intero a pagilian.
Iti imbestigasyon ti Senate Blue Ribbon Committee mainaig kadagiti maanomalya a flood control projects ket maseknan ni t chairman a ni Senador Rodante Marcoleta gapo ta arig na saan a karaman iti nasao nga opisina iti pakabuklan a proseso ti pananagaramid kadagiti flood control projects ti gobierno.
Impaganetget na nga uray dakamaten ti ahensya dagiti sangagasot a river basin ket awan latta ti serbi na agingga saan nga integrated dagitoy ti maysa ken maysa.
Innayon na pay a ti Riverbasin Control Office ket addaan mandato para ti integrasyon ken harmonization kadagiti nagduduma a programa ken resources ti gobierno para ti natalged ken nalinis a supply ti danum ken epektibo a panangimaton kadagiti flood controls.
Inaklon ni DPWH Secretary Manuel Bonoan nga awan nga agpayso iti koordinasyon ti DPWH ken ti Riverbasin Control Office ken innayon na a daitoy iti maysa a karit ti ahensya a kasapulan a masolbar.
Lalo pay a napadaksan ti rikna ni Marcoleta ken impaganetget a babaen ti kastoy a setup ket awan iti mapasamak a nasayaat kadagiti programa ti gobierno nu awan iti umiso a koordinasyon. Para kenkuana, daitoyen iti missing link iti pakabuklan nga equation ti korapsyon.
