LA UNION – Ad-adalen ita ti Department of Public Works and Highway (DPWH) iti naduma-duma a singaning dagiti residente a posible a maapektaran para iti pannakaipatungpal ti coastal road project a masakupan iti Barangay Poro ken Catbangen iti syudad ti San Fernando, La Union.
Iti naangay a dialogue iti baetan dagiti residente ken DPWH ket maysa kadagiti isyu a nasken a marisot ket iti lugar a pakaiyakaran dagiti agindeg kadagiti nasao a barangay.
Kabayatanna, immunan a kinuna ni Eng’r. Emil Ganaden ti DPWH La Union District 1, nakasaganan iti P50 million a pondo para laeng ti maararamid a rangtay kas paset iti coastal road project.
Sumarsaruno metten a maipaayan ti pondo para iti pannakaaramid iti four lane ay kalsada iti nadakamat a lugar.
