BR LA UNION – Agdudua ni Department of Public Works and Highways (DPWH) Secretary Vince Dizon iti alegasyon ni sigud nga Ako Bicol Rep. Zaldy Co’s kontra kenni President Ferdinand Marcos Jr. nga isuna ti utek ti P100-B a budget insertions ken anomalya iti flood control projects.
Segun kenni Dizon, mismo a ni President Marcos ti nangibutaktak nu kasatnu kakaru ti mapas-pasamak a korapsiyon iti gobyerno, partikular dagiti adda iti likudan ti anomalya iti flood control projects ken nangpa-imbestigar kadagitoy.
Kampante ni Secretary Dizon, a saan a maaramid ti Presidente dagiti iyak-akusar kenkuana ni Co.
Impaganetget ni Dizon nga awan pay ti Presidente ditoy pagilian iti pakasaritaan a nangibulgar ti kadakkelan nga anomallya a mapaspasamak iti gobyerno nu saan laeng a ti agdama a Presidente.
Isunga kinuna ni Dizon, iturpos da ti imbestigasyon a kadwa da ni Presidente Marcos.
