Palpalpasenen ti Department of Agriculture (DA) ti draft bill a panggep a papigsaen ti kapasidad iti National Food Authority (NFA) para ti stabilidad ti presyo ken suplay ti bigas.
Segun iti DA, panggep ti singasing a gakat a baliwan dagiti polisiya ti gobierno ken papigsaen ti seguridad ti taraon. Ikkan pay daitoy ti NFA iti bileg a mangaramid ti madagdagos a desisyon tapno agtalinaed iti supply.
Maysa daitoy kadagiti solusyon a kiniddaw ti House Speaker a ni Ferdinand Martin Romualdez tapno suportaran ti programa ni Presidente Ferdinand Marcos Jr. a P20 rice babaen ti Benteng Bigas Meron na (BBM).
Suksukatan pay iti draft bill ti Rice Tarrification Law tapno palubosan ti NFA nga agilako ken imaton ti buffer stock da.
Babaen iti regulasyon, maikkan iti karbengan iti NFA nga imaton ti buffer stocks para ti napartak a distribusyon ti bigas, a mapapartak ken mapagbalin nga episyente para ti panagsungbat ti pagkasapulan ti publiko.
