LA UNION – Arestado iti maysa a 37-anyos a driver kalpasan a naaktuan dagiti otoridad nga agibum-bunag iti maipagarop nga iligal a napukan a kayo, manipud iti kabanbantayan idiay Sitio Alipang, Barangay Tavora, Pugo, La Union.
Maibasar iti report, tiniliw dagiti otoridad iti managan Eric Sumabak, residente ti Central Buyagan, La Trinidad, Benguet.
Nakumpiskar manipud kenkuana iti aganay 210 bd. ft. a natabla a kayo ti mahogany ken mapatta-patta nga agbalor ti P10,500
Naidatag ti suspek iti Pugo Police Station agraman dagiti nakumpiskar nga illegal logs para iti umno a disposisyon.
