LA UNION – Sumangsango iti agtutuon a kaso ti maysa a drug personality a naalaan ti igam ken droga babaen ti naisayangkat a raid dagiti otoridad iti pagtaengan daytoy idiay Barangay Barangay Central West, ili ti Bauang, La Union.
Nabigbig ti suspek a ni Oscar Picardal, 48, residente ti nasao a lugar.
Naammuan ti Bombo Radyo manipud iti Bauang Police Station, naisayangkat ti panangalikad iti nadakamat a balay babaen ti implementasyon ti search warrant nga inyatnag ti pangukoman.
Maysa a cal .38 paltog nga addaan ti bala ken lima a sachet iti maatap a shabu ti nakompiskar manipud iti uneg ti pagtaengan ti suspek.
Kaso a panaglabsing iti Comprehensive on Dangerous Drugs Act ken illegal possession of firearm and ammunitions ti reklamo a naidatag idiay piskalya kontra iti nasao a drug personality.
Ni Picardal ket siguden a simuko babaen ti Oplan Tokhang ti pulisya.
