Maysa a tip manipud ti maysa a lokal ti nangitunda ti pannakaarestar ti personalidad ti droga sadiay ciudad ti Urdaneta, Pangasinan.
Babaen ti inyuswat a buy-bust operation dagiti nagbinnulig nga operatiba ti Philippine Drug Enforcement Agency – Pangasinan Provincial Office (PDEA-PANG PO), ken Urdaneta City Police Station, ket naarestar ti 33-anyos a suspek a binigbig ni PDEA Regional Director, Dir III Joel B Plaza ti nagan a Albert John Mejia Palaganasn residente ti nasao nga ciudad.
Narekobre manipud ti operasyon a naiganwat ti agarop 10:30 ti rabii idi Pebrero 18 ti maysa nga heat-sealed transparent plastic sachet ti shabu shabu nga agdagsen ti dua a gramo. Dayta a kadagsen ket katupag ti P13,600.
Malaksid iti droga ket narekobre pay dagiti non-drug items kas iti maysa a mobile phone, identification card (Driver’s License), ken ti buy-bust money.
Sumango ti suspek ti panaglabsing ti Section 5, Article II iti Republic Act No. 9165 wenno ti Comprehensive Dangerous Drugs Act of 2002, ken nakadetene itan sadiay PDEA Pangasinan Provincial Office jail facility, Urdaneta City, Pangasinan.
