Inikkan ti Department of Trade and Industry (DTI) dagiti online seller ti deadline nga agingga laengen ngudo ti Setyembre 2025 tapno iparehistro mapaimbestigaran dagiti produkto da para ti E-Commerce Philippine Trustmark —maysa a sertipikasyon a mangipaspasigurado ti kinatalged ken kaledad dagiti mailaklako online.
Segun kenni Trade Secretary Maria Cristina Roque, panggep ti Trustmark a tulongan dagiti konsyumers nu anya kadagiti produkto ti natalged ken dekalidad kasta met a nakapasa kadagiti safety checks ti DTI, kas maiyannurot ti Consumer Act of the Philippines.
Imbutaktak pay ti sekretaryo a nakikoordinaren ti DTI kadagiti e-commerce platforms tapno allukoyen dagiti online sellers nga agparehistro, nangruna ta adda dagiti reklamo a makadandanon iti ahensya mainaig kadagiti substandard a produkto a makaluslusot latta iti online market.
Panggep pay daitoy a Trustmark a masiguro ti kinatalged dagiti gumagatang iti kangitingitan ti lumawlawa nga industriya ti e-commerce ditoy Pilipinas.
